reklam
Yanılmısan Yanılmısan https://duz.az/uploads/posts/2023-11/thumbs/1700317059_img_20231118_181731_651.jpg
ice berg

ice berg Şeirlər 18-11-2023, 18:17

Yanılmısan

Yanılmısan
Yanılmısan, boş ver, keçər

Hər bir kədər keçən kimi

Sevgim məni göstərirmiş

Sənə səndəki mən kimi.



Xatırladır mənə daim

Badəmdəki içkim səni

Sevə bilməz heç kim səni

Bil, mən səni sevən kimi.



Ya qəlbinlə bir yol tap, gəl,

Ya qəlbimə bir yol tap, gəl,

Gələndə də yol üstündə

Heç olmasa bir kol tap, gəl

Dərmə mənim hisslərimi

Solmuş gülü dərən kimi.



Sinəm dağdır, çən çəkərəm,

Hər dərdini tən çəkərəm,

Sən üzülmə, mən çəkərəm

Dərdin mənə gələn kimi.



Təki səndəki mən gülə

Bircə kərə ayda-ildə

İnan, yanılmazsan bir də

Bir az üzüm gülən kimi.



Sənlə mənim aramızda

Bəlkə yüz cür biz tapılar,

O bizləri sorğulasaq,

Bəlkə biri düz tapılar,

Bəlkə orda axtardığım

Tanrıdan da iz tapılar,

Bir anlığa məst olardım

Haqq dərgahı görən kimi.



Yanılmısan, boş ver, keçər

Hər bir kədər keçən kimi

Sevgim məni göstərirmiş

Sənə səndəki mən kimi.

Mirzə Lazım

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Bəyən Sevgi Gülüş Şok Üzgün Əsəbi
74 53 52 93 88 40

Oxşar xəbərlər Digər trend xəbərləri

Məlumat Saytda şərhləri oxumaq, şərh yazmaq, xəbər göndərmək üçün QEYDİYYATDAN keçməyiniz lazımdır.

Məlumat Sizin rəyə rəy yazmaq 15 gündən sonra mümkündür.