Qadın heyvan kəsə bilərmi və qadının kəsdiyi heyvanın ətini yemək olarmı?Qadın heyvan kəsə bilərmi və qadının kəsdiyi heyvanın ətini yemək olarmı?https://duz.az/63492-qadin-heyvan-kese-bilermi-ve-qadinin-kesdiyi-heyvanin-etini-yemek-olarmi.htmlhttps://duz.az/uploads/posts/2023-09/1694902624_qadin-2.webp
Əti yeyilə bilən heyvanın halal olması üçün şəriətə uyğun şəkildə kəsilməsi vacibdir. Bu şərtlər risalələrdə ətraflı şəkildə qeyd olunub. Əgər heyvanı həmin şərtlərə uyğun kəsməsələr, onun əti murdar olur və onu yemək haramdır. Heyvanı kəsən şəxsin cinsi barədə hər hansı qəti məhdudiyyət yoxdur. Bəzən heyvan ölüm ayağında olarkən yaxınlıqda kişi yoxdursa, qadın məcbur qalıb təcili olaraq onu kəsə bilər. Əgər qadın şəriətə uyğun şəkildə heyvanı kəsməyi bacarırsa kəsə bilər və onun kəsdiyi heyvanın ətini yemək olar. Bununla belə, qadının təbiətindəki zərifliyə və kövrəkliyə görə onun heyvan kəsməklə məşğul olmaması daha məsləhətdir. Şəriətimiz bəzi peşələri və işləri (məsələn, əsgərlik) qadınların təbiətinə uyğun görmür, qadınların bu işlərlə məşğul olmamaları daha məsləhətdir. Yuxarıda qeyd edildiyi kimi zərurət halında bu tövsiyə pozula bilər.
